Ynglŷn â Chyngor Tref Abergele

Cyngor Tref Abergele

Cyflwyniad byr

Cyn 1974 roedd Abergele yn Gyngor Ardal Drefol yn sir hanesyddol Dinbych. Crëwyd Cyngor Tref Abergele yn 1974 yn dilyn ad-drefnu llywodraeth leol a diddymu Cyngor Ardal Drefol Abergele. Yn ystod yr ad-drefnu yn 1974 roedd yr ardal a wasanaethid gan Gyngor Tref Abergele yn cynnwys Llanddulas a Rhyd-y-Foel i'r gorllewin, a Thywyn a Bae Cinmel yn y dwyrain. Yn dilyn adolygiad gan Gomisiwn Ffiniau Llywodraeth Leol Cymru fe rannwyd yr ardal a wasanaethid gan Gyngor Tref Abergele i dair cymuned newydd yn 1983 - Llanddulas a Rhyd-y-Foel, Tywyn a Bae Cinmel, ac Abergele. Ers 1996 mae Abergele wedi bod yn un o 33 cyngor cymuned yn sir newydd Conwy. Mae ganddo statws cyngor tref gyda maer y dref.


Mae gan Abergele boblogaeth o 10,577 (Cyfrifiad 2011) ac ar gyfer llywodraeth leol fe rennir y dref i bedair ward. Mae gan y dref 16 cynghorydd yn cynrychioli'r wardiau canlynol - Gele (6 chynghorydd), Pensarn (3), Pentre Mawr (6), Llan San Siôr (1). Etholwyd y cynghorwyr presennol yn 2017 i wasanaethu am bum mlynedd.


Yn ei Gyfarfod Blynyddol ym mis Mai bydd y Cyngor yn ethol Maer y Dref a Dirprwy Faer. Bydd y Maer yn derbyn lwfans ar gyfer costau yn ymwneud â dyletswyddau dinesig. Nid yw cynghorwyr yn derbyn tâl am eu hamser, ond gallant hawlio tâl am dreuliau ychwanegol, megis teithio y tu allan i ardal cyngor y dref. Ar hyn o bryd mae'r Cyngor yn cyflogi tri aelod o staff - Clerc y Cyngor, cynorthwywr gweinyddol rhan-amser a gofalwr/glanhawr.


Fel arfer mae Cyngor Tref Abergele yn cyfarfod ddwywaith y mis, ar wahân i fis Awst. Cynhelir y cyfarfodydd yn Neuadd y Dref, Ffordd Llanddulas, Abergele, ac fel arfer maent ar y nos Iau cyntaf a'r trydydd o'r mis, gan ddechrau am 6.45y.h. Gwelwch dudalen 'Cyfarfodydd Cyngor ac Agenda' am ddyddiadau cyfarfodydd i ddod.

Mae'n ofynnol ar y Cyngor i fabwysiadu Cynllun Cyhoeddi a darparu manylion o'r wybodaeth sydd ar gael yn rheolaidd i'r cyhoedd. Defnyddiwch y dolenni cyswllt canlynol i weld y cynllun cyhoeddi cyfredol a chrynodeb o'r wybodaeth sydd ar gael.

Adroddiad Blynyddol Cyngor Tref Abergele 2018 - 2019 - cliciwch yma

Canllawiau Statudol - Mynediad at Wybodaeth am Gynghorau Tref a Chymuned (Mai 2015) - cliciwch yma

Archebion Rheolaidd Cymeradwyedig 2016 - cliciwch yma

Model Cynllun Cyhoeddi (mabwysiadwyd ar y 4ydd o Ragfyr 2008) - cliciwch yma

Cyhoeddiadau sydd ar gael - cliciwch yma

Polisi Preifatrwydd - cliciwch yma

Hysbysiad Preifatrwydd - cliciwch yma

Polisi Rhyddid Gwybodaeth - cliciwch yma

Ffurflen Gais Rhyddid Gwybodaeth - cliciwch yma

Gellir cael mwy o fanylion am waith y Cyngor Tref gan Glerc y Cyngor,

Mandy Evans, Clerc y Cyngor a Swyddog Cyfrifoldeb Cyllid

NODAU AC AMCANION

Datganiad o Fwriad

Fel llais democratig cymunedau Abergele, bydd y Cyngor yn gweithio tuag at sicrhau dyfodol cynaliadwy a bywiog yn economaidd, a chymdeithas sy'n iach a diogel, ac yn gymdeithasol gyflawn.

Diben

• Hyrwyddo a chynrychioli barn y gymuned.
  
• Gwasanaethu'r rhai sy'n byw ac yn gweithio yn Abergele, a'r rhai sy'n ymweld â'r dref.
  
• Hyrwyddo treftadaeth hanesyddol a diwylliannol Abergele, a diogelu ei hamgylchedd naturiol a'i hadeiladau.
  
• Gweithio mewn partneriaeth â phob corff arall, boed yn statudol, cyhoeddus, preifat, gwirfoddol neu gymunedol er mwyn gwella ansawdd byw a lles y gymuned, a hyrwyddo'r dref mewn modd gweithredol a chadarnhaol.